Samarqand davlat universitetiga Fransiyaning Lion-2 universiteti fransuz tilini o’qitish xalqaro markazi direktori Fransua Violay va Grenobl Stendal universiteti fransuz tilini o’qitish markazi direktor o’rinbosari Gael Karsherlar tashrif buyurdi.

    Mehmonlar bilan SamDU  prorektori, professor Akmal Axatov uchrashdi.

    Tashrif davomida tomonlar o’rtasida hamkorlikni o’rnatish, talabalar almashinuvini yo’lga qo’yish, fransuz tili fan o’qituvchilari uchun malaka oshirish kurslarini tashkil qilish kabi masalalari bo’yicha fikr almashildi. Shuningdek, fransiyalik talabalarni SamDU da tashkil qilinayotgan yozgi maktablarga jalb etish hamda bir qator xalqaro hamkorlik masalalari muhokama qilindi.

 

Samarqand davlat universiteti

Axborot xizmati.