Samarqand davlat universitetida O‘zbekiston yozuvchilar uyushmasi a’zosi, shoir, tarjimon va publitsist Muhiddin Omon tavalludining 60 yilligiga bag‘ishlangan “Umr deganlari – lahzami, yohu…” nomli ilmiy-amaliy anjuman o’tkazildi.

    Konferensiyada O‘zbekiston Yozuvchilar uyushmasi a’zolari: Shoyim Bo‘tayev, Xumoyun Akbar, Toshpo‘lat Tugalov, Xosiyat Bobomurodova hamda SamDU filologiya fakulteti professor-o’qituvchi va talabalari ma’ruzalari bilan ishtirok etdi.

    Shuningdek, adibning hayoti va ijodi, uning adabiyot olamidagi o’rni haqida alohida to’xtaldi.

    - Inson umri qilgan mehnati bilan aziz va mukarramdir. Eliga, xalqiga qilgan yaxshiligi uning el ichra qadr topishiga kafolat bo’ladi, - deydi SamDU dotsenti Akrom Toshpo’latov. – Muhiddin Omon o’zbek xalqiga, jonajon vataniga samarali mehnatlari orasidan obro’ topganlardan sanaladi. U tom manodagi shoir, kitoblar, badiiy, ilmiy publististik asarlar targ’ibotchisi. Insoniyatning ma’naviy dunyosini boyituvchi, o’zligini tanituvchi, buguni ertasi uchun Vatan qalqoni bo’lishga tayyor yoshlarni ruhiy psixologik quvvatini oshiruvchi shaxsdir…

    Samarqand davlat universiteti

    Axborot xizmati.